Sunny Beach конок үйү персоналдын кылдат эмгеги жана ээси Русландын аракети аркылуу кынтыксыз репутацияга жетишкен жана коомчулукка жакшы таанылган. Коноктордун жайлуулугун жогорулатуу жана көмүртек изин азайтуу максатында Руслан энергия үнөмдөөчү чараларды жана башка жашыл технологияларды колдонууга киргизе баштаган.

Жакында курулган имаратта жана конференция залында мансардды жана полду жылуулоо иштери жүргүзүлгөн, бул ошол имараттардын энергетикалык натыйжалуулугун жогорулатты. Натыйжада көмүрдү аз керектөөнүн эсебинен жаңы жылууланган имаратты жылытууга сарпталуучу чыгым азайган. Руслан жакынкы келечекте калган имараттарды жылуулоону жана жылытуу менен ысык суу үчүн жылуулук насосторун орнотууну ойлоп жатат, бул өз кезегинде көмүрдү пайдалануудан толук баш тартууга мүмкүндүк берет.

Мындан тышкары, Sunny Beach конок үйүндө калдыктарды сорттоо системасы ишке кирди, бул курчап турган чөйрөгө терс таасирди азайтууга шарт түзөт жана коноктордун экологиялык маалымдуулугун жогорулатат.

Алынган пайда

17 номерлүү биринчи имаратты жылуулоодон кийин конок үй кыш мезгилинде да иштей баштады, мурда буга эч мүмкүн эмес болчу. Руслан биринчи эле жылы коноктордун санынын өсүшү жана жайлуулук деңгээлинин жогорулашы менен кышында 5 миллион сом иштеп тапты. Бул энергия натыйжалуу жана жашыл технологияларды колдонууга киргизүү туруктуу өнүгүүгө гана шарт түзбөстөн, олуттуу экономикалык пайда алып келерин көрсөтүүдө, ал эми Sunny Beach конок үйү жайлуулук менен айлана-чөйрөгө кам көрүүнү ийгиликтүү айкалыштыруунун мисалы болуп калды.