Жаан-чачын суусун топтоо жана пайдалануу жолу менен өнөр жай кир жуугучтары негизги ресурстардын чыгымдарын кыскартат.

Долбоорду ФРГ Улуттук экологиялык фонду (DBU) колдоого алган. Жыйынтыгында кир жуучу жай таза сууну керектөөнү 22%га кыскарткан.

Германиядагы Рёденталь шаарында жайгашкан Coburger Handtuch & Matten-Service кир жуучу жай сүлгү, шалча жана пол сүрткөн чүпүрөктөрдү жууганга адистештирилген. Кир жуучу жайлар көбүнчө таза сууну көп өлчөмдө керектешет, айрым баа берүүлөр боюнча бул көлөм жалпы чыгымдардын 5%га жакынын түзөт. Coburger Handtuch & Matten-Service компаниясы суунун чыгымдарын жана айлана-чөйрөгө тийгизген таасирин азайтууну чечти.

Германиянын Федералдык айлана-чөйрөнү коргоо Фонду (DBU) тарабынан каржыланган долбоордун алкагында, кир жуучу жайларга суунун жалпы чыгымдарын төмөндөтүүгө жардам берүү максатында, жамгыр суусун таза суунун ордуна альтернатива катары пайдаланууга сандык баа берүү жүргүзүлдү.

Долбоор чатырдан топтолгон жамгыр суусун (аянты 4 700 м2) чыпкалап, хлорлоп, кир жууганда таза суунун ордуна натыйжалуу пайдаланууга болорун көрсөттү.

ПАЙДАСЫ

Кир жуучу жай болжол менен жылына 3160 м3 жамгыр сууну топтоп, кир жууганга пайдаланып, ошону менен таза сууну керектөөнү 22%га төмөндөтөт.