Тамак продуктуларын кайра бөлүштүрүү товарлар/продуктулар ашыкча пайда болгондо жүргүзүлөт, антпесе алар тамак-аш калдыктарына айланат. Туура мамиле болгондо, бул ашыкча нерселерди башка максаттар жана керектөөчүлөр үчүн сарамжалдуураак пайдаланууга болот. Компаниялар, кайрымдуулук уюмдары жана жеке адамдар, өздөрүнө пайда алуу менен, ашыкча азык-түлүктөрдү бөлүштүрүүгө катыша алышат. Ашыкча продуктуларды бөлүштүрүүгө көмөктөшкөн жана аларды жамааттарда иштеген пайдасын көрө ала турган адамдарга же ишканаларга өткөрүп бере турган көптөгөн уюмдар бар.

Тамак азыктарын ыргытып жиберүү каржылык кесепеттерге алып келет: тамак-аш калдыктарынын чыныгы наркы сатып алуу баасын гана эмес, ошондой эле жумушчу күчүнө, сууну, электр кубатын керектөөгө жана калдыктарды керекке жаратууга байланыштуу эксплуатациялык чыгымдарды да камтыйт. Конок үй жана коомдук тамактануу секторундагы ишканалар үчүн чыныгы өздүк нарк тоннасына 3450 еврону түзсө, бул сумма чекене соода объекттери үчүн тоннасы 1450 еврого, продуктуларды өндүрүүчүлөр үчүн тоннасы 1050гө жакын еврого барабар болот.

Ашыкча азык-түлүк булактары болуп төмөнкүлөр эсептелет:

- жарактуулук мөөнөтү аяктап бара жаткан продуктулар;

- көпкө сатылбай турган же эсептен чыгарылган товарлар;

- туура эмес белги салынган же салынбаган продуктулар;

- таңгагы бузулган товарлар;

- техникалык шарттарга же буйрутма бергендин талаптарына туура келбеген ингредиенттер же даяр продуктулар.

Бул азыктарга жаңы жана тоңдурулган мөмө-жемиштер, эт жана балык, сүт азыктары, таңгакталган товарлар, суусундуктар, тоңдурулган кайра иштетилген продуктулар, жумуртка, сүт азыктары ж.б. кириши мүмкүн.

Компанияда/ишканада азык-түлүктүн ашыкча бөлүктөрүн кайрадан бөлүштүрүүгө жооптуу адамды дайындоо маанилүү кадам болуп саналат. Бул кызматчы товарларды аныктоодо жана продуктуларды кайра бөлүштүрүү үчүн ишенимдүү өнөктөш тандап алууда, өнөктөш уюмдар менен формалдуу келишим түзүүдө, атайын орун бөлүп берүүдө жана ашыкча азык-түлүктү сактап, андан кийин өткөрүп берүү үчүн тутумду иштеп чыгууда жардам бере алат.

Ошону менен бирге кызматчыларга, кардарларга жана жөнөтүүчүлөргө ашыкча продуктуларды кайра бөлүштүрүүнүн артыкчылыктары жөнүндө дайыма маалымат берип туруу маанилүү. Өнөктөштөр ошондой эле ашыкча продуктуларды берген компанияларды тааныштырууда жана тамак-аш продуктуларынын кайда жана кандайча таратылары, жана мындай жардамдарды алуучулар кимдер болуп саналары жөнүндө кайтарым байланыш маалыматтарды жайылтууга жардам бере алат.