Аберистуит шаарындагы Shilam Tandoori, Уэльс - Мохаммед Сомир кожоюн ачкан экинчи ресторан. Тамак-аш калдыктарынын кыйла көп болушу, карри хаустун (Индия-Пакистан тамактарынын ашканасы) ишинин ажырагыс бир бөлүгү болушу мүмкүн. Ошондой болсо да Shilam Tandoori ресторанында башкача мамилени карманууну чечишти. Анын ресторандары канча тамак-аш калдыктарын чыгарып жаткандыгын (1-кадам) жана эксперимент катары ар кандай чараларды көрүп, тамак-аш калдыктарынын санын эки эсе кыскартууну (2-кадам) билүү үчүн “Тамакты таштабай жешиңиз керек” (YBIF) принцибин колдонушту.

YBIF мамилесин колдонуу менен, менеджер жана анын кызматчылары ресторандагы порциялардын көлөмүн талдап чыгышты. Талдоо тамак даярдоо учурундагы калдыктардын жана кардарлардын желбеген порцияларынын калдыктарынын көптүгүн көрсөттү. Бул пролеманы чечүү кардарлардын маалымдуулугун жогорулатуудан башталды - ресторандын кызматчылары келүүчүлөр менен ымала түзүп, тамак-аштын өтө чоң порцияларына буйрук бербөөгө сылык-сыпаа жардам беришти.

Менеджер кардарлардын тамак-аш калдыктары жана экология жөнүндө жалпы кабылдоолорун жакшыртуу үчүн, ошону менен бирге калдыктардын пайда болушунан качууга аларды тартуунун жана байланышуунун үстүндө жигердүү иштеди. Бул максатка жетүү үчүн ал дем алыш күндөрү ыргытылган жана желбей калган тамактын порцияларынын көлөмүн талдоо жоопкерчилигин ар бир кызматчыга жүктөдү.

Ошондой эле ресторан кардарлар үйүнө каалаган тамак-аш калдыктарын алып кете ала турган, WRAP Cymru программасы менен колдоого алынган «ит кутусу» схемасын орнотту.